Mighty Sports, nakalusot sa UAE-Balita

Laro sa Lunes

(Shabab Al Ahli Club)

1:00 n.u. -- Mighty Sports vs Homenetmen (Lebanon)

DUBAI, United Arab Emirates – Wala pang ‘breaktrough’ game si dating Los Angeles Lakers star Lamar Odom, ngunit walang problema sa Might Sports.

Muli, ratsada si Ginebra resident import Justin Brownlee, gayundin ang matikas na opensa nina University of the Philippines star Juan Gomez de Liano at Fil-Am Roosevelt Adams para sandigan ang Mighty Sports sa 86-78 panalo kontra United Arab Emirates nitong Sabado (Linggo sa Manila) sa 30th Dubai International Basketball Championship.

Nakopo ng Mighty Sports ang ikalawang sunod na panalo sa Group B elimination ng 10-club tournament.

Dinumog ng may 2,000 Filipino migrants ang Shabab Al Ahli Club para suportahan ang Pinoy squad at hindi ipinagkait ng 6-foot-10 na si Browlee ang minimithing panalo sa araw na malamya ang laro ni Odom.

Tahasang ipinahayag ni Mighty Sports coach Charles Tiu ang pagkadismaya sa pamamaraan ng kanyang koponan para manalo.

“I’m not happy with how the game turned out. If we play this way in the next few games, we’re gonna lose. We’re not gonna make it past the quarterfinals,” sambit ng 30-anyos mentor at nakababatang kapatid ni Rain or Shine guard Chris Tiu.

“I’m not happy because I wanted to give the other guys a chance to play and they took the game a bit for granted, and just wanted to have fun,” aniya. “So hopefully they learn from this experience.”

Umabante sa 20 puntos (72-52) na kalamangan ang Mighty Sports, pinangangasiwaan ng magkapatid na Alex at Caesar Wongchuking, at suportado ng Go For Gold, Healthcube, Oriental Group at SMDC, sa third period, ngunit nagawa itong habulin ng karibal bunsod ng turnover.

Nanguna sa Mighty Sports si American import Randolph Morris sa naiskor na 20 puntos, habang kumana si Brownlee ng 18 puntos at 11 boards at tumipa si Adams ng 18 puntos at may siyam na puntos si de Liano.

Ginapi ng Mighty Sports sa opening match ang American University, 87-58.

Iskor:

MIGHTY SPORTS (86) ˗ Morris 20, Brownlee 18, Adams 18, Gray 9, De Liano 9, Brickman 4, Gutang 4, Santillan 2, Banal 2, Odom 0, Wongchuking 0, Rike 0.

UAE (78) ˗ Al Zaabi 19, Alshabibi 18, Abdullah 14, Khalifa 8, Issa 8, Khalfan 7, Ibrahim 2, Al Nuaimi 2, Ndiaye 0.

Quarters: 29-24, 49-36, 78-58, 86-78.

-REY C. LACHICA

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...