Mighty Sports, kumpiyansa sa Dubai-Balita

Mighty Sports, kumpiyansa sa Dubai

Laro Ngayon

(Shabab Al Ahli Club, Dubai)

11 n.g. -- America University vs Mighty Sports

DUBAI – Maigsi man ang naging preparasyon bilang iisang koponan, kumpiyansa ang Philippine-Mighty Sports sa matikas na kampanya simula ngayon sa pagsabak kontra American University sa 30thDubai International Basketball Championship sa Shabab Al Ahli Club dito.

Odom

Walang scouting report na nakuha ang coaching staff hingil sa lakas ng American squad, ngunit kung ang tatanungin ay ang libo-libong Pinoy workers dito, liyamado ang Mighty Sports.

Maging si coach Charles Tiu ay nagpahayag ng all-out –war laban sa karibal sa kanilang duwelo ganap na 11:00 ng gabi (Manila time).

“Whoever they are, we will still play as hard as we can. We don’t have an idea about their strengths and weaknesses so they are still a puzzle to us,” pahayag ni Tiu, nakababatang kapatid ni PBA star Chris Tiu ng Rain or Shine.

“Still they are Americans, we know their culture when it comes to basketball,” pahayag naman ni co-team owner Alex Wongchuking. “We have to take them in business-like manner so we can start our campaign on a winning note.”

Anuman ang kaganapan, masasabing maganda ang kalalagyan ng Might Sports matapos malagay sa may kahinaang Group B kasam ang Lebanon’s Homenetmen, Syria’s Al Wahda at ang National Team ng UAE. Itinatauyod ang Might Sports ng SMDC, Go For Gold, Oriental Group at Healthcube.

Nasa Group A naman ang Lebanon’s Al Riyadi and Sports Club of Beirut, Sala of Morroco, Jordan national team and Iraq’s Al Nift.

Pangungunahan ang Mighty Sports ni dating LA Lakers star Lamar Odom, kasama sina Ginebra resident import Justin Brownlee, Chinese league veteran Randolp Morris at combo guards na sina Jason Brickman at Juan Gomez de Lianno.

Sunod na haharapin ng Mighty Sports ang UAE sa Sabado bago ang Homenetmen sa Linggo. Matapos ang isang araw na pahinga, sasagupain nila ang Al Wahda.

Batay sa format, ang apat na mangunguna sa bawat grupo ay magtutuos sa crossover quarterfinal round sa Huwebes kung saan ang mananalo ay maglalaban sa knockout game.

“It we can top our group elims then we will have a greater chance to play in the semis,” pahayag ni Tiu.

-REY C. LACHICA

'To fight as hard as we can!' Atty. Kaufman, ipaglalaban nang matindi si FPRRD

Tiniyak ng tumatayong Lead Defense Counsel ng kampo ni dating Pangulong Rodrigo Duterte na si Atty. Nicholas Kaufman na nakahanda raw siyang ipaglaban nang matindi ang kaniyang kliyente laban sa mga kinakaharap na kaso nito sa International Criminal Court (ICC). Ayon sa inupload na video ng Duterte supporter na si Alvin Sarzate o mas kilala bilang “Alvin & Tourism” sa panayam nila kay...

Holdaper, nagdasal muna bago nandekwat

Tila ba nanghingi na kaagad ng tawad sa Diyos ang isang holdaper matapos mag-sign of the cross bago gawin ang isang panghoholdap. Ayon sa mga ulat, ang lalaking suspek ay nangholdap ng isang Indian national sa isang eskinita sa Bagong Silang Barangay San Juan, Cainta, Rizal. Inabangan niya ang biktima sa nabanggit na eskinita, na maniningil lamang daw ng utang sa ilang mga residente sa lugar....

Hepe, mga pulis na sangkot sa shootout na ikinamatay ng 12-anyos na bata, inalis sa puwesto!

Inalis sa puwesto ang hepe ng isang police station at ilang mga pulis na miyembro ng operatiba matapos ang madugong insidente sa General Santos City na ikinasawi ng isang 12-anyos na batang babae. Ayon sa Police Regional Office-12, isinailalim sa administrative relief ang station commander at tatlong pulis na rumesponde sa operasyon upang magbigay-daan sa isang patas at masusing imbestigasyon....