Patuloy ang pagkilos ng northeast monsoon o amihan sa bansa na maaaring magdulot ng pag-ulan at malamig na panahon sa susunod na mga araw.
Ayon kay Philippine Atmospheric, Geophysical and Astronomical Services Administration (PAGASA) weather specialist Jomaila Garrido, ang amihan ay magdudulot ng maulap na kalangitan na may kasamang pag-ulan sa Aurora, Quezon, Batanes, Cagayan, Isabela, Nueva Vizcaya, Quirino, Abra, Benguet, Ifugao, Kalinga, Mountain Province, Apayao, Agusan del Norte, Agusan del Sur, Surigao del Norte, Surigao del Sur, Dinagat Islands, Compostela Valley, Davao del Norte, Davao Oriental, Davao del Sur, at Davao Occidental.
Habang ang Metro Manila at iba pang bahagi ng bansa ay makararanas ng bahagya hanggang sa maulap na kalangitan na may kasamang pag-ulan.
Karaniwang nararanasan ang amihan sa huling bahagi ng Oktubre hanggang sa unang bahagi ng Marso, na tumitindi tuwing Pebrero.
