'Kara Mia', 'creepy' pero 'something new'-Balita

'Kara Mia', 'creepy' pero 'something new'

USAP-USAPAN na ang naiibang bagong teleserye ng GMA Network, ang Kara- Mia, na pinagbibidahan nina Barbie Forteza at Mika dela Cruz kahit teaser pa lamang ang napapanood ng publiko.

Marami kasing ayaw maniwala na p’wedeng mangyari na sa iisang katawan ay dalawa ang mukha. Si Barbie ay si Kara at kapag tumalikod siya, lumalabas naman ang mukha ni Mia, na ginagampanan ni Mika.

Kaya naman amused sina Barbie at Mika amused sa mga comments na nababasa nila mula sa mga netizens. May nagsasabing kinopya raw lamang ng GMA ang istorya nito sa Harry Potter.

Dahil dito ay naglabas ang GMA ng press release na ang Kara Mia ay batay sa tunay na istorya mula sa India. Tungkol ito sa kaso ng disprosopus or craniofacial duplication, isang congenital defect na ang dalawang mukha ay nag-share sa iisang katawan. May naiulat ding kaparehas na kaso nito sa Great Britain.

Ano namang masasabi nina Barbie at Mika na sa ngayon pa lang pinag-uusapan na ang kanilang bagong serye?

“Para po sa akin, this is something new,” sabi ni Barbie. “Kahit ako nagulat nang i-offer sa akin ito, after ng dalawang romantic-comedy series na ginawa ko, ang “Meant To Be” at “Inday Will Always Love You.” Pero naroon din iyong kaba na baka hindi magustuhan ng televiewers pero mas optimistic naman ako na ang mga tao ay naghahanap lagi ng bagong mapapanood kaya baka maging interesado rin sila kapag ipinalabas na ang serye naming ito.”

“Ako naman po, ang una kong naisip parang ang creepy naman ng kuwento,” sabi ni Mika. “Pero nang makabasa na ako ng mga reactions ng mga netizens sa social media, naisip ko rin na nakaka-intriga talaga ang concept ng show at alam kong magugustuhan nila ito. Hindi ko rin po alam kung paano ang gagawin sa special effects na magkabaligtad ang mukha namin ni Barbie until nagsimula na kaming mag-taping. Sa Bacolod pa po kami nagsimulang mag-taping para maiba naman ang location. Kasama namin doon sina Ms. Carmina (Villarroel), Tito John (Estrada) at si Ms. Glydel Mercado.”

Malapit nang mapanood ang Kara-Mia sa primetime telebabad ng GMA 7 na nagtatampok din kina Jak Roberto, Paul Salas, Mike Tan, at Alicia Alonzo, sa direksyon ni Albert Langitan

-NORA V. CALDERON

Philip Salvador, masayang number 1 sa boto 'beshy' na si Sen. Bong Go

Matapos magpasalamat sa mga bumoto sa kaniya at sa mga kasamang kandidato sa 'DuterTEN,' nagpasalamat din sa sambayanang Pilipino si Philip Salvador matapos daw gawing number 1 ang matalik na kaibigang si Sen. Bong Go.'Ako po ay Lubos na nagpapasalamat sa inyong suporta sa akin, lalong lalo na po na ginawa ninyong number 1 aking kaibigan na si Senator Bong Go,' wika ni...

Philip Salvador, nagpasalamat sa mga bumoto sa kaniya: 'Tuloy ang malasakit!'

Nagpasalamat si PDP-Laban Vice President for Luzon Philip Salvador sa lahat ng mga botanteng Pilipinong nagpakita ng suporta at bumoto sa kaniya sa nagdaang halalan, gayundin sa mga kasama niya sa 'DuterTEN.'Bukod sa kaniya, pinasalamatan din niya ang mga Pilipinong bumoto para kay Sen. Bong Go, na ginawa raw nilang numero unong senator-elect.'Ako po ay Lubos na nagpapasalamat sa...

Sen. Grace Poe, at iba pa dumalaw sa puntod ni Susan Roces

Ibinahagi ni Sen. Grace Poe ang pagdalaw nila ng anak na si FPJ Panday Bayanihan party-list Rep. Brian Poe Llamanzares sa puntod ng pumanaw na inang si Susan Roces sa Manila North Cemetery, Martes, Mayo 20.Nagsadya ang senadora at anak gayundin ang ilang mga kaanak at tagahanga ng isa sa mga itinuturing na reyna ng Philippine cinema dahil sa ikatlong death anniversary nito.'Tatlong taon na...