Dinampot ng mga awtoridad ang isang obispo at isang kasama nito matapos umano silang maaktuhang gumagamit ng ilegal na droga sa Barangay Alima, Bacoor City, Cavite, nitong Huwebes ng hapon.

GOD, HELP ME! ‘Tila nananalangin si Richard Alcantara, obispo ng Sacred Order of Saint Michael, matapos siyang maaresto sa anti-illegal drug operation sa Tabing Ilog Dagat, Bgy. Alima, Bacoor City, Cavite, nitong Huwebes. ALI VICOY

GOD, HELP ME! ‘Tila nananalangin si Richard Alcantara, obispo ng Sacred Order of Saint Michael, matapos siyang maaresto sa anti-illegal drug operation sa Tabing Ilog Dagat, Bgy. Alima, Bacoor City, Cavite, nitong Huwebes. ALI VICOY

Kinilala ng Bacoor City Police ang mga naaresto na sina Richard Alcantara, 38, obispo ng Sacred Order of Saint Michael (SOSM), may asawa, ng Bgy. Sineguelasan, Bacoor; at Perlito Alibay, 52, may asawa, mangingisda, ng Tabing-Dagat, Bgy. Alima, Bacoor.

Nauna rito, nagsagawa ng buy-bust operation ang mga tauhan ng Bacoor City Police, kasama ang Philippine Drug Enforcement Agency (PDEA) ng Cavite at Region 4-A, laban kay Fernando Dacuma, sa Tagumpay Compound, dakong 5:00 ng hapon.

National
50.78% examinees, pasado sa Nov. 2024 Licensure Exam for Agriculturists

50.78% examinees, pasado sa Nov. 2024 Licensure Exam for Agriculturists

Gayunman, nakatakas si Dacuma sa arresting team.

Kasabay nito, naaktuhan umano ng mga awtoridad sa lugar sina Alcantara at Alibay habang bumabatak ng shabu, kaya inaresto ang mga ito.

Habang isinasailalim sa interogasyon, natuklasan ng mga awtoridad na si Alcantara ay obispo ng SOSM, na hindi saklaw ng Simbahang Katoliko.

Rommel P. Tabbad