NAGING matagumpay ang mahigpitang labanan sa katatapos na Virac Open 2100 & Kiddies U13 2000 Invitational Chess Championship na ginanap sa JMAMES Jose M. Alberto Memorial Elementary School, Virac, Catanduanes.

Kabuuang 59 players ang sumabak sa Open at 35 sa Kiddies U13.

Ang palaro ay itinaon sa fiesta ng Virac at sinuportahan nina Mayor Samuel Laynes at Vice-Mayor Arlyn Arcilla. Pinamunuan ito nina tournament Director Bony Gianan Molina at Adviser Atty. Gilbert Suarez ng Virac Chess Club.

“Ang paliga po namin dito sa bayan ng Virac ay taunan isinasagawa upang makatulong sa mga kabataan maging athlete scholar na mabigyan ng opportunity sa mga sikat na school ng NCAA o UAAP,” ayon kay Molina.

Alex Eala, inakyat ulit new-career high bilang rank 40 sa mundo!

Nakopo ni top seed Roger Pesimo na may score na 6.5 puntos ang P10,000 peremyo at eleganteng tropeyo samantalang solo rin tinanggap ni top seed Jeremy Marticio 6.5 pts. ang 7,000 pesos at eleganteng tropeo. Si Pesimo ay mula sa Naga, Camarines Sur at si Marticio na taga Binan, Laguna.

Ang mga pumuwesto ay nakatanggap din ng maagang pamasko tulad nina Florante Magno, Angustia Capa, Dante Magno, Mario Uy, Joseph Mendoza, Rael Gianan, Roilo Buhay, Ricardo Copones, Janneth Mercader, Ace Pajarillo, Marvid Zuniega, Ronald Nonito San Antonio, Moises Ubalde at Ronnie Lumbao.