4 pa sa Laguna, todas din sa lambanog

December 06, 2018

Inatasan na ng Department of Health (DoH) ang Food and Drugs Administration (FDA) upang suriin ang mga lambanog na ininom at ikinasawi ng walong katao sa magkahiwalay na insidente sa Quezon City at Laguna, kamakailan.

Ayon kay Health Undersecretary Rolando Enrique Domingo, nais nilang malaman kung rehistrado at kung kontaminado ang mga lambanog na ininom ng mga nasawi.

Kaugnay nito, hinihikayat din ni Domingo ang publiko na bumili at gumamit lang ng mga produktong rehistrado ng FDA upang matiyak na ligtas ang mga ito.

“FDA is now investigating to check if the product is registered and if the seller has a license to operate. They are also trying to secure samples for testing,” ani Domingo.

“We advise the public to refrain from buying and consuming unregistered products,” dagdag pa ni Domingo.

Miyerkules ng hapon nang mamatay sina Roy Basbas, 56, magsasaka; Gonzalo Camangon La Torre Jr., 50; Severino Callos, 65, binata, electrician; at Hermino Caramay, 65, tricycle driver, pawang taga-Captain Perlas St., Barangay Pooc, Sta. Rosa City, Laguna makaraang uminom ng lambanog. Huling naiulat na Malubha naman ang lagay sa Philippine General Hospital ang isa pang kainuman nilang si Antonio Jeremias, 70; habang nakaligtas si Robert Cruz, 48 anyos.

Nauna rito, apat na tricycle driver sa Quezon City ang namatay, habang 13 iba pa ang naospital makaraan silang tumagay ng lambanog sa Novaliches, Quezon City.

-MARY ANN SANTIAGO at DANNY ESTACIO

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...