HUMARUROT sa huling aklasan ang ‘SON Also Rises’ para madomina ang 2018 Philippine Racing Commission’s Grand Sprint Championship nitong Linggo sa Metro Turf sa Malvar, Tanuan City, Batangas.
Sakay ang matikas at beteranong si jockey JB Hernandez, pinakain ng alikabok ng alaga ni dating Mandaluyong City Mayor Benhur Abalos Jr. ang mga karibal sa 1,200-meter race para maitala ang impresibong
four-length victory kontra second placer Pinagtipunan.
Nakaungos ang Lakan sa unang bugso nang sagupaan, bago kumilos ang ‘ Son Also Rises’ sa final 400 bago tuluyang iniwan ang mga karibal sa huling 150 metro ng karera.
Romualdez, pinasalamatan tennis player na si Alex Eala
“Kumpiyansa kami sa takbo namin kasi kilalang-kilala ko na itong kabayo ko (Son Also Rises) pati ‘yung kalaban namin na si Lakan sa simula, kaya alam ko na ang galaw nu’ng kalaban namin,” pahayag ni Hernandez. “Pagkakuha namin sa diretso, tuluy-tuloy na.”
Ito ang unang pagkakataon na nagwagi ng major stakes race ang magkatambal.
“Madami na kaming panalo na minor races, pero ito ang unang malaki na nakuha namin. Hopefully, may mga kasunod pa,” sambit ni Hernandez.
Napagwagihan ng ‘Son Also Rises’ ang top prize na P600,000 mula sa P1 milyon na garantisadong premyo ng Philracom, habang nabigyan ang
P20,000 ang breeder.
Naiuwi ng ‘Pinagtipunan’ at ni jockey MB Pilipil ang P225,000 runner-up finish, habang ang Lakan at si jockey RM Garcia ay kumubra ng P125,000 para sa ikatlong puwesto. Pang-apat ang Dinalupihan, sakay si MA Alvarez, para sa premyong P50,000.
Ang iba pang nagwagi sa programa na tinaguriang Pasay ‘The Travel City’ Racing Festival ay ang ‘Allbymyself’ sa Pasay City Barangay Trophy Race, ‘Bwana Miss’ sa Cong. Emi Calixto-Rubiano Trophy Race, ‘Edinburgh’ sa Team Legacy Trophy Race, ‘Haring Bastos’ sa Pasay City Council District I Trophy Race, ‘Don’t Underestimate’ sa Resorts World Manila Trophy Race, ‘Princess Eowyn’ sa 4th Former Pasay Mayor Eduardo “Duay” Calixto Cup, ‘Boom Tarat Tarat’ sa Pasay City Council District II Trophy Race, ‘My Jopay’ sa 5th Pasay Mayor Tony Calixto Cup, ‘Magnificent 7’ sa Pasay City Vice Mayor Noel del Rosario Trophy Race, ‘Tin Drum’ sa 5th Pasay The Travel City Cup at ‘Crown in my Head’ sa Pasay City Engineer’s Office Race.
Samantala, nakalinya ang maaksiyong stakes races sa huling ratsadahan ng karera ngayong taon tulad ng Chairman’s Cup, Philtobo Racing Event and the 2nd Leg of the 3YO Open Challenge Series sa Dec. 16 at ang Juvenile Championship, KDJM Racing Event and the 3rd leg of the 3YO Open Challenge Series sa Dec. 31.
