Itinanggi ng Philippine Charity Sweepstakes Office (PCSO) na itinalaga nito si dating Presidential Communications Assistant Secretary Mocha Uson sa ahensiya, makaraang isa sa mga consultant nito ang nag-post sa Facebook tungkol sa pagkakatalaga kay Uson bilang “special spokesperson on anti-illegal gambling”.

Sinabi ni Florante “Bong” Solmerin, deputy spokesperson ng PCSO general manager, na hindi itinalaga ni General Manager Alexander Balutan si Uson sa anumang posisyon sa ahensiya.

“PCSO General Manager Alexander Balutan did not appoint Mocha Uson. She just talked to him last week about the fight against illegal gambling in the country,” sabi ni Solmerin. “They just had a talk last week in his office. There’s really no appointment.”Ayon kay Solmerin, ang nasabing Facebook user na nag-post tungkol sa appointment ni Uson ay consultant ng ahensiya.

Tumanggi naman siyang pangalanan ang nasabing consultant.

Nakonsensyang holdaper, kusang sumuko sa pulisya; ginamit na kutsilyo at baril, laruan lang!

Ang pangalan sa Facebook ng nag-post ay JunDel Hilda.

Batay sa post, itinalaga umano ni Balutan ang kontrobersiyal na blogger bilang “special spokesperson on anti-illegal gambling” dahil sa “influence on social media, and popularity” ni Uson.

Nilinaw naman ni Solmerin na ang nasabing post ay malinaw na “unauthorized release”.

Kandidato si Uson bilang party-list representative ng AA-Kasosyo party-list.