ANG natitira pang makakapasok sa kampeonato ng 2018 World Pitmasters Cup (Master Breeders Edition-2) 9-Stag International Derby ay malalaman ngayon sa paglalatag ng ikatlong araw ng semis sa Newport Performing Arts Theatre of Resorts World simula alas-dose ng tanghali kung saan nakalinya ang 122 sultada.
Napatunayan ang matinding labanan sa semifinals matapos na walang makabuo ng 5 puntos sa unang 3-stag semis nitong Lunes.
Ang GS Señor 3 ni Barry Crisostomo ay nakakuha ng pinakamataas na iskor na 4.5 puntos samantalang naka-4 na puntos naman siya sa isa pa niyang lahok na GS Señor 2.
May tig-4 na puntos din ang Tiger Shark/Philreca PDJ (Engr. Celso A. Salazar), Har-Sy-Tan Ang Babae Sa Mall (Harold De Ramos), P.E. Gamefarm 2 (Pol Estrellado), Diego JCap Thor MP (Eric dela Rosa), Lucky Chard Tabuk JD (Atty. Tubban/Jun Durano), RJM Bohemian Rhapsody (RJ Mea) and Roosterville BS (EP/Boyet Singbengco).
Pangungunahan ang labanan ngayong araw ng mag-partner na sina Celso Evangelista & Joel Ocsena na nagtala ng apat na panalo sa huling eliminasyon noong ika-17 ng Nobyembre sa kanilang dalawang entry na Experto Gamefowl Products Inc-1 at Experto Gamefowl Products Inc-2.
