Pabor ang lima sa bawat 10 Pinoy sa mungkahi ng Philippine Drug Enforcement Agency (PDEA) na isailalim sa mandatory drug testing ang mga Grade 4 pupil pataas.
Ito ang lumabas sa 2018 third quarter survey ng Social Weather Stations (SWS) na isinagawa nitong Setyembre 15-23, kung saan 51 porsiyento ng 1,500 respondents ang hindi kumontra sa panukala.
Sa nasabing porsiyento, 31 ang nagpahayag ng “strongly agree”, habang 20% naman ang hindi lubos na pumapayag, 36% ang hindi pumapayag, 24% ang hindi lubos na hindi pumapayag, at 13% ang hindi pa nakakapagdesisyon sa panukala.
Ito ay katumbas ng net agreement na +15, na inuri ng SWS bilang “moderately strong.”
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Sa nasabi ring survey, natuklasan ng SWS na aabot sa 76% ang kuntento at 12% ang hindi kuntento sa kampanya ni Pangulong Duterte kontra ilegal na droga dahil sa nakuha nitong net satisfaction rating na +64, na classified ng SWS bilang “very good”.
-Ellalyn De Vera-Ruiz
