Pinaalalahanan ng Metropolitan Manila Development Authority (MMDA) ang mga motorista na gumamit ng alternatibong ruta, upang hindi maipit sa matinding trapiko na dulot ng road reblocking at repairs ng Department of Public Works and Highways (DPWH) sa ilang kalsada sa Metro Manila ngayong weekend.

Sa abiso ng MMDA, sinimulan ng DPWH ang reblocking sa southbound EDSA makalampas ng Scout Borromeo Street malapit sa GMA-7 Station katabi ng MRT station; EDSA northbound, tabi ng Trinoma Mall, 6th lane mula sa center island; Batasan Road, Sinagtala St., hanggang Batasan – San Mateo Road, 4th lane; General Luis St., westbound malapit sa Mendoza Drive at pagitan ng Ambrocia at Reynaldo Sts., 1st lane; C-5 Road southbound sa tapat ng SM Aura; C-5 Road southbound pagkatapos ng Lanuza Avenue; at panulukan ng AH Lacson Avenue at Aragon St., at P. Florentino St., at panulukan ng G. Tuazon at Masbate Sts., dakong 11:00 ng gabi nitong Biyernes.

Bukod pa rito ang pagsasaayos ng Globe Telecom, Inc. sa Commonwealth Avenue, malapit sa pedestrian footbridge at Jocfer Building, at sa kahabaan ng Commonwealth, malapit sa N. Zuzuaregui Street; at Roosevelt Avenue northbound magmula sa Manga Street hanggang KM Post No. 10, 1st lane buhat sa sidewalk.

Magsasagwa rin ng pagkukumpuni ang Manila Water Co., Inc. sa Visayas Avenue northbound Visayas Avenue Road 1 intersection, 1st to half ng 2nd lane mula sa sidewalk; at C-5 Road southbound harapan ng Solace.

Akbayan, kinatigan kilos-protesta kontra mina sa Dupax Del Norte

Bubuksan sa mga motorista ang lahat ng apektadong kalsada sa ganap na 5:00 ng umaga sa Lunes.