San Beda vs Lyceum Part 2-Balita

San Beda vs Lyceum Part 2

Mga Laro Ngayon

(Filoil Flying V Center)

8:00 n.u. -- Mapua vs San Beda (jrs)

10:00 n.u. -- CSB-La Salle Greenhills vs JRU (jrs)

1:30 n.h. -- Lyceum vs Letran (srs)

4:00 n.h. -- San Beda vs Perpetual (srs)

MULING maitakda ang pagtutuos sa Finals ang tatangkain ng nakaraang taong finals protagonists Lyceum of the Philippines University at San Beda sa pagsisimula ngayong hapon ng NCAA Season 94 Basketball Tournament Final Four round sa Filoil Flying V Center sa San Juan.

Sisikapin ng dalawang koponan na magamit ang taglay nilang bentaheng twice-to-beat bilang insentibo sa pagtatapos na top 2 sa nakaraang double round eliminations.

Ngunit, sigurado namang di basta-basta na lamang susuko at papatalo ang kanilang mga katunggali, ang third seed Letran Knights na makakatapat ng second seed Lyceum at ang fourth seed Perpetual Help kontra top seed at defending champion San Beda.

Kapwa magtatangka ang Knights at ang season host Altas na makahirit ng rubbermatch upang patuloy na buhayin ang kanilang tsansa na makatungtong ng kampeonato.

Umaasa si Red Lions coach Boyet Fernandez na magagawa nilang maulit ang naitalang 80-72 huling panalo sa pagtatapos ng elimination round kontra Altas para sa ika-12 sunod nilang panalo ngayong season.

Patas naman sa 1-1 ang marka ng Lyceum at Letran ngayong season kung kaya’t inaasahang higit na magiging mainit ang tapatan ng magkapitbahay sa Intramuros lalo pa’t naging kontrobersyal ang panalo ng huli sa second round.

Inaasahang mangunguna para sa Pirates at magbabawi matapos umaming nawala at hindi nakapag deliver sa huli nilang laro kontra San Beda si reigning MVP CJ Perez.

Mauuna rito, magsisimula na rin ang Final Four round sa juniors division.

Magtutuos sa unang Final Four pairings ang second seed Malayan Science High School at third seed San Beda ganap na 8:00 ng umaga habang magsasagupa sa ikalawang laban ganap na 10:00 ng umaga ang top seed at reigning champion La Salle Greenhills at 4th seed Jose Rizal University.

-Marivic Awitan

Super Typhoon Ofel, napanatili ang lakas habang nasa northeast ng Echague, Isabela

Napanatili ng Super Typhoon Ofel ang lakas nito habang kumikilos pa-west northwest sa hilagang-silangan ng Echague, Isabela, ayon sa 11 AM update ng Philippine Atmospheric, Geophysical and Astronomical Services Administration (PAGASA) ngayong Huwebes, Nobyembre 14.Base sa ulat ng PAGASA, huling namataan ang Super Typhoon Ofel 135 kilometro ang layo sa northeast ng Echague, Isabela.Taglay nito ang...

Ex-Pres. Duterte, naghukay ng sariling libingan sa ‘drug war’ hearing – De Lima

Iginiit ni dating Senador Leila de Lima na naghukay si dating Pangulong Rodrigo Duterte ng sarili nitong libingan matapos nitong imbitahan ang International Criminal Court (ICC) na mag-imbestiga na sa Pilipinas ukol sa madugong kontra droga ng kaniyang administrasyon.Matatandaang sa isinagawang pagdinig ng House quad committee nitong Miyerkules, Nobyembre 13, sinabi ni Duterte na dapat umanong...

Magnitude 4.3 na lindol, tumama sa Davao Occidental

Isang magnitude 4.3 na lindol ang tumama sa Davao Occidental nitong Huwebes ng madaling araw, Nobyembre 14, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:11 ng madaling araw.Namataan ang epicenter nito 16 kilometro ang layo sa hilagang-silangan ng Malita, Davao Occidental, na may lalim na 166...