NAKOPO ng Region 4A, binubuo ng mga player mula sa lalawigan ng Batangas, Cavite, Laguna, Quezon, at Rizal, ang ikatlong sunod na Under-16 title ng Samahang Basketbol ng Pilipinas (SBP) Under-16 Pambansang Tatluhan kamakailan sa Harrison Plaza sa Manila.
Naisalpak ni Ley Acosta ang three-pointer may 1:52 ang nalalabi s a laro para itarak ang 21-16 bentahe laban sa Region 11 (Davao City) tungo sa panalo at makasaysayang ‘three-peat’ sa taunang age-group 3x3 competition.
Sa tulong ng balanseng atake ng ‘Twin Towers’ nina Jan Rae Atienza at Jan Derick Villarez, nagawang maisalba ng Region 4A ang panalo laban sa davao squad na binubuo nina John Rey Pasaol, nakababatang kapatid ni University of the East star Alvin Pasaol, at Wilfred Remollo.
“I think our winning three straight SBP Under-16 3x3 titles says we are doing something right in the region,” pahayag ni Region 4A’s program head Oliver Bunyi. “The cooperation between our provincial partners has been incredible. This is for them.”
Mikee Cojuangco-Jaworski, chair ng Coordination Commission ng Brisbane 2032
Sa girls’ division, pinataob ng Region 10 (Bukidnon / CDO) ang Region 6 (Bacolod), 16-6.
“We are thrilled by the participation we received from all our SBP members in our Pambansang Tatluhan program,” pahayag ni SBP Executive Director Renauld “Sonny” Barrios.
“The level of interest for both 3x3 grassroots and women’s basketball has greatly increased and we have seen this where the players are more skilled and the games, more competitive.”
