NAISALPAK ni Valerie Mamaril ang game-winning lay-up para maitakas ng Far Eastern University ang 73-71 panalo kontra Ateneo para sa solong liderato sa UAAP Season 81 women’s basketball tournament nitong Miyerkules sa MOA Arena.
Nagmintis si Jollina Go sa undergoal shot na nagdala sana sa laro sa overtime. Nakamit ng FEU ang unang panalo sa pagsisimula ng second round elimination.
Umusad ang Lady Tams sa 6-2 karta sa likod ng nangunguna at defending four-time champion National University (7-0).
Nag-ambag si Anna Requiron ng 22 puntos, 15 rebounds at limang blocks, habang kumana si Christine Cortizano ng 21 puntos at apat na assist, habang nasopresa ng University of the East ang De La Salle, 86-69, para sa ikalawang panalo ngayong season.
Anong luto ni Chloe ang masarap para kay Caloy lalo na 'pag umuulan?
Nanguna sa Lady Archers si Khate Castillo na umiskor ng 17 puntos.
Kumasa si Clare Castro ng 21 puntos, 10 rebounds at apat na blocks , habang tumipa sina Mamaril at Fatima Quiapo na may parehong 14 puntos para sa Lady Tamaraws.
Nagsalansan si Go ng 21 puntos mula sa 5-of-8 three-point shooting, habang kumana si Trina Guytingco ng 18 puntos, walong rebounds, limang assists at apat na steals.
Iskor:
(Unang Laro)
UE (86) - Requiron 22, Cortizano 21, Francisco 13, Pedregosa A. 9, Pedregosa P. 8, Cuadero 7, Ganade 4, Nama 2, Borromeo 0.
DLSU (69) - Castillo 17, Claro 15, Quingco 14, Torres 7, Arciga 5, Revillosa 4, Paraiso 4, Nunez 3, Binaoha 0, Del Ocampo 0, Jimenez 0.
Quarterscores: 23-25, 50-39, 67-49, 86-69
(Ikalawang laro)
FEU (73) - Castro 21, Mamaril 14, Quiapo 14, Taguiam 9, Vidal 8, Bahuyan 4, Adriano 3, Antiola 0, Bastastas 0, Payadon 0.
Ateneo (68) - Go 21, Guytingco 18, Joson 13, Villamor 6, Buendia 4, Newsome 3, Cancio 2, Chu 2, Nimes 2.
Quarterscores: 16-22, 32-40, 50-62, 73-71
