MINSAN nang tinanghal na Featherweight World Champion ng ONE si Honorio “The Rock” Banario.
Sa ipinamamalas na katatagan sa ‘grappling’, walang dahilan upang mabigong mangibabaw sa nangungunang mixed martial arts promotions sa Asya.
Sa ginanap na Abu Dhabi Combat Club (ADCC), sumisikat na kompetisyon kung saan ang submission wrestling ang pangunahing sandata, nakopo ng Team Lakay member ang tatlong medalya.
Nauna rito, nagwagi siya ng dalawang ginto sa Asia Pacific Sub Only Gi and No Gi championship kung saan sumabak siya sa under 85 kgs, category.
PBA, hinihingi panig ni Amores; makabalik pa kaya sa liga?
Sumabak si Banario sa torneo sa ilalim ng John Baylon’s Clube de Jiu Jitsu Filipinas.
“I’m hoping to compete more in BJJ (Brazilian jiu-jitsu) in the future,” pahayag ni Banario.
Iginiit ni Banario na ang karanasan niya sa naturang kompetisyon ay malaking ambag sa paghahanda para sa susunod na laban sa ONE. Nagsasanay si Banario para makabawi sa huling kabiguan kontra Singaporean standout Amir Khan (11-3) nitong Setyembre.
“I hope I continue to improve,” pahayag ni Banario.
May pagkakatao ang Team Lakay, sa pamamagitan ni Eduard Folayang (20-6) na maibawi si Banario kay Khan sa kanilang pagtututos para sa bakanteng ONE Lightweight World Championship sa ONE: CONQUEST OF CHAMPIONS sa Nobyembre 23 sa MOA Arena.
“Right now, I’m waiting on ONE Championship for a call,” aniya. “So I’ll just keep focusing on my training for now.”
