TULOY pa rin pala ang love team nina Elmo Magalona at Janella Salvador, ayon sa aming source, dahil may project ang dalawa.

Sa katunayan, magkasama sila sa Canada bilang guests nina Daniel Padilla at Kathryn Bernardo sa One Magical Tour 2018, na gaganapin sa Vancouver sa Nobyembre 2, at sa Toronto sa Nobyembre 10.

Ayaw pa banggitin ng aming source kung ano ang next project ng ElNella, pero sinigurado niyang buo pa ang love team.

Zeinab, mas iba ang ganda ngayon dahil may 'dilig' na tama

Hirit namin na magkaaway na ang dalawa, at sa katunayan ay umuwi na si Janella sa poder ng inang si Jenine Desiderio.

“Sure ka ba na tapos na? Baka umuwi lang pero hindi pa tapos. Sobrang in love ni Janella, so paano matatapos?” pahayag ng aming source.

Kaya siguro parehong hindi pa nagsasalita sina Elmo at Janella, dahil patuloy pa rin ang relasyon nila? At baka sa Canada shows ay magkaayos na sila?

Nabanggit pa namin na ‘tila mas tinangkilik ang love team nina Janella at Jameson Blake sa pelikula nilang So Connected mula sa Regal Films. Samantalang ang mga project ng ElNella ay so-so lang.

“Well, hindi mo matuturuan ang puso,” napangiting sagot ng aming source.

Kung in-love si Janella, si Elmo ay hindi? Dahil nagawa umano nitong tabigin ang dalaga kaya sinasabing nahulog sa van?

Anyway, kung tuloy pa rin ang ElNella love team, eh, dapat mag-ayos na nga sina Janella at Elmo. Huwag sayangin ang mga araw, dahil baka magising na lang sila isang araw na naungusan na sila ng mga bagong love team.

By the way, kumusta na kaya ang acting workshop ni Elmo kay Ivana Chubbuck? Sana sa mga susunod na project ng aktor ay may makikita nang improvement ang viewers sa acting niya.