NAISAAYOS ng University of the Philippines ang men’s Finals rematch kontra reigning four-time titlist National University matapos ang 3-2 panalo kontra Ateneo nitong Lunes sa UAAP Season 81 badminton tournament.
Kumana sina JM Bernardo at Vinci Manuel sa 21-15, 21-15 panalo kontra sa tambalan nina Fides Bagasbas at Sean Chan sa second singles, habang nagwagi si rookie Kyle Legaspi kontra Carlo Remo, 21-12, 9-21, 21-17, sa deciding singles para sa Fighting Maroons.
Ibinigay ni Bernardo ang panalo ng UP, 24-22, 21-4, kontra Bagasbas sa first singles.
Sisimulan ng Bulldogs at Maroons ang best-of-three tie ganap na 8:00 ng umaga ng Miyerkoles sa Rizal Memorial Badminton Hall.
Nakumpleto ng NU ang 6-0 elimination round sweep at sa kabuuan ay may 41 sunod na panalo sa ties.
