PINAGTATALO nina Dave at Carlo Penalosa gayun din nina interim WBA bantamweight champion Reymart Gaballo at dating WBO bantamweight champion Marlon Tapales ang mga karibal mula sa Tanzania upang pahangain ang boxing fans na nanood sa SM North EDSA Skydome sa Quezon City kamakalawa ng gabi.

Sa main event, pinatulog ni Dave Penalosa si dating Tanzanian featherweight titleholder Twalib Tuwa sa 1st round ng kanilang sagupaan.

Nagtala rin ng 1st round knockout victory si Gaballo laban kay Tanzanian rival Julias Kisawire samantalang nagwagi rin via 1st round knockout si Tapales sa kanyang unang featherweight bout laban Goodluck Mrema ng Tanzania.

Natamo naman ni Carlo Caesar Penalosa ang bakanteng WBA South Asia flyweight title nang patulugin niya sa 3rd round si Jemsi Kibazange sa kanilang 10-round na sagupaan.

Dalawang Pinoy mountaineers, sumakses sa tuktok ng Mt. Everest

Nagwagi naman sa 8-round majority decision si Nicaraguan Melvin Lopez laban kay Renan Portes para mapanatili ang kanyang perpektong rekord na 17 panalo, 10 sa pamamagitan ng knockouts.