Patas na labanan sa World Pitmasters Cup-Balita

Patas na labanan sa World Pitmasters Cup

SINIGURO ng organizers ng 2018 World Pitmasters Cup (Masters Breeders Edition) 9-Stag International Derby ang patas na laban para sa pinakamalaking pasabong ng taon simula sa Setyembre 20 sa Newport Performing Arts Theatre ng Resorts World Manila.

PORMALna inilunsad ang 2018 World Pitmasters Cup (Masters Breeders Edition) 9-Stag International Derby kahapon sa tradisyunal na ‘patuka’.

“Ang atin pong misyon ay mabigyan ng pagkakataon ang lahat ng sabong enthusiast gayundin ang ating mga breeders nang pagkakataon na mailaban nila ang kanilang pinakamahuhusay na alaga. Yung mga problema sa mga nakaraan, naayos natin at ngayon ay siguradong exciting ang ating mga laban,” pahayag ni breeder Atong Ang sa ginanap na media briefing kahapon.

Hindi kukulangin sa 400 ang kumpirmadong magtutuos, idagdag pa ang 30 matitigas na maglalaban sa P220K Entry Fee, One-Day 7-Stag Big Event sa Setyembre 23.

Handog nila Charlie “Atong” Ang, Gerry Ramos, Engr. Sonny Lagon, RJ Mea & Gov. Eddiebong Plaza, at tulong nila Eric dela Rosa & Ka Lando Luzong, ang world-class event na ito ay may buong suporta ng gold sponsor Thunderbird Platinum – sa paluan ‘di mauunahan at Thunderbird Bexan XP.

Sa Setyembre 20, 21 & 22, gaganapin ang tatlong magkakahiwalay na 2-stag eliminations na susundan ng one-day 7-stag blowout sa Set. 23. Ang tatlong 3-stag semis ay nakatakda sa Set. 24, 25 & 26. Ang 4-stag finals para sa lahat ng lahok na may 2, 2.5, 3 o 3.5 puntos pagkatapos ng semis ay maghaharap sa Set. 28, samantalang ang mga may 4, 4.5 or 5 puntos ay magtutuos para sa korona sa 4-stag grand finals sa ika-30 ng Setyembre.

Maghaharap para sa isang Red Flag format sa 7-Stag Big Event sina Richard Perez (Riper), Joey Delos Santos, Charlie “Atong” Ang, Gerry Ramos, Engr. Sonny Lagon, RJ Mea, Gov. Eddiebong Plaza, Eric dela Rosa, Anthony Lim, Eddie Gonzales, Arman Santos, Mayor Goto, JR Tolentino, Gov. Ito Ynares, Dori Du, Fiscal Villanueva, Vice Mayor Mercado, Buboy Delos Santos, Maam Procy, Bong Pineda, Aldo Mercado, Gov Claude Bautista, Coun. Marvin Rillo, Ricky Magtuto at Raymond Dela Cruz kasama si Mayor Jesse Viceo.

Ang mga interesadong sumali ay maaring kumontak gamit ang Facebook Page 2018 World Pitmasters Cup 9-Stag International Derby o sa cellphone number 0927-8419979.

OLALIA-KMU, iginiit karapatan ng mga manggagawa na makapag-unyon

Isinatinig ni Mario Fernandez, chairman ng Organized Labor Association in Line Industries and Agriculture (OLALIA-KMU), ang hinaing ng mga kapuwa niya manggagawa sa isinagawang kilos-protesta sa harap ng Korte Suprema noong Martes, Disyembre 10.Sa kaniyang talumpati, inilahad ni Fernandez ang panunupil at panggigipit umano sa mga manggagawang nagtatangkang umanib sa mga pederasyong nag-oorganisa...

₱200M jackpot prize ng Ultra Lotto, 'di napanalunan!

Walang pinalad na manalo ng mahigit ₱200 milyong jackpot prize ng Ultra Lotto 6/58 na binola ng Philippine Charity Sweepstakes Office (PCSO) nitong Martes ng gabi, Disyembre 10.Sa official draw results ng PCSO, walang mananayang nakahula ng winning numbers na 28-09-51-46-43-18 na may premyong ₱204,948,537.60. Wala ring nanalo sa ₱40,475,634.80 jackpot prize ng Super Lotto 6/49 na may...

Kapatid ni Jay-el Maligday na pinaslang umano ng militar, nanawagan ng hustisya

Nanawagan ng hustisya si Louiejie Maligday para sa kapatid niyang si Jay-el Maligday na pinaslang umano ng mga militar noong Abril.Sa isinagawang kilos-protesta sa harap ng Department of Justice nitong Martes, Disyembre 10, kabilang si Louiejie sa mga nagbigay ng talumpati upang pabulaanang namatay ang kapatid niya sa engkuwentro.“Pinalabas nilang namatay sa engkuwentro si Jay-el pero hindi po...