NAITALA ni Filipino Woman International Master (WIM) Cristine Rose Mariano-Wagman ang ikatlong sunod na panalo para makisalo sa ika-2 puwesto sa katatapos na Pia Cramling’s Ladies Open 30 minutes Rapid plus 10 seconds increment chess tournament nitong Linggo sa Scandic Foresta Hotel sa Stockholm, Sweden.
Ang Umea, Sweden-based na si Mariano-Wagman, dating head coach ng Trinity University of Asia, ay nakalikom ng 5.5 puntos para makasama sa ika-2 hanggang ika-5 puwesto sina Woman International Masters (WIMs) Jessica Bengtsson, Viktoria Johansson at Irina Tetenkina ng Sweden.
Si Mariano-Wagman, dating National Women’s Open champion at Chess Olympiad member, ay tumapos ng 3rd overall matapos ipatupad ang tie break points.
Si Mariano-Wagman ay kasal kay Jorgen Wagman, Logistic Manager ng IKEA sa Umea, Sweden.
Elasto Painters, nakabawi sa Beermen matapos ang 11-game losing streak; June Mar, nabutata!
Tinanggap ni Mariano-Wagman ang 3,000 Swedish Kronor (P18,000) at crafted glass trophy at set ng alahas na dinesenyo ni WGM/GM Pia Ann Cramling.
Nagpakitang gilas si International Master Inna Agrest ng Sweden, nagpasalap ng bukod tanging pagkatalo ni Mariano-Wagman sa fourth round, para makopo ang titulo tangan ang anim na puntos.
