GINAPI ng Pamantasan ng Lungsod ng Muntinlupa Marshalls, sa pangunguna ni Buboy Barnedo na kumana ng gamer-winning jumper, ang La Salle University Green Archers, 85-83, nitong weekend sa 16th Fr. Martin Cup Division 2 basketball tournament.
Naisalpak ni Barnedo ang jumper may 4.6 segundo ang nalalabi para sa ikatlong sunod na panalo ng Marshalls sa St. Placid gymnasium sa loob ng San Beda-Manila campus sa Mendiola.
Nanguna si Christian Alijecera sa naiskor na 23 puntos sa Marshalls.
Nagwagi naman ang national University-A, sa pangunguna ni Marc Diputado na tumipa sa 18 puntos laban sa St. Joseph College-Bulacan, 99-77.
Goodbye PBA? John Amores, tinanggalan na ng professional license!
Sa junior division, kumana si JC Luciano ng 15 puntos para sandigan ang Chiang Kai Shek College sa 100-61 panalo kontra San Beda-Mendiola A.
Pinataob ng La Consolacion College-Manila ang Mapua Red Robins, 68-63, para sa ikalawang sunod na panalo.
