10k pasahero makikinabang sa bagong PNR route

August 01, 2018

Tinatayang aabot sa 10,000 pasahero ang araw-araw na makikinabang sa reopening ng biyaheng Caloocan-Makati ng Philippine National Railways (PNR).

Ang naturang train system ay muling pinabiyahe ng Department of Transportation (DOTr) kahapon, matapos ang may 20 taong pagkakatengga nito.

Sa pahayag ng DOTr, anim na tren, na may kapasidad na 700-800 pasahero, ang binigyan ng bagong ruta at inaasahang mapakikinabangan ng nasabing bilang ng pasahero.

Itinuturing ng DOTr na pinakamabilis at pinakamatipid ang naturang biyahe, na aabutin lang ng 37 minuto at nagkakahalaga lang ng P12-P15.

Ang unang biyahe mula sa Caloocan ay aalis ng 5:45 ng umaga, habang 5:15 ng hapon naman ang last trip.

Ang first trip naman mula sa Dela Rosa, Makati City ay aalis ng 6:28 ng umaga habang ang last trip ay 5:58 ng hapon.

Ang 13-kilometrong ruta ay may istasyon sa 10th Avenue (Macario Asistio), 5th Avenue, Solis, Blumentritt, España, Sta. Mesa, at Dela Rosa.

Taong 1997 nang matigil ang biyaheng Caloocan-Makati ng PNR dahil gagamitin sana ang linya sa Northrail Project, ngunit hindi natuloy ang nasabing proyekto.

-Mary Ann Santiago

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...