INILUNSAD ng Taiwan Excellence ang mga makabagong gadget at producto ng bansa sa makabuluhan at maaksiyong programa na tinampukan ng Basketball Camp at 3-on-3 hoop challenge nitong weekend sa Mall of Asia Music Hall sa Pasay City.

Sa pakikipagtambalan ng Taiwan Excellence kay PBA coach Eric Altamirano, isinagawa ang dalawang araw na basketball camp na naglalayong mapataas ang kalidad ng sports sa kabataang Pinoy at maisulong ang kahalagahan ng sportsmanship.

“Taiwan Excellence Basketball Camp is an exemplary showcase of excellence from both countries: the fighting spirit of the Filipinos further empowered by the products of Taiwan,” pahayag ni Alfred Wang, Director of the Economic Division of Taipei Economic and Cultural Office (TECO).

Another gold! Hidilyn Diaz, isa nang guro sa UP Diliman

Maiuugnay ang paghahangad ng Pinoy sa basketball sa layunin ng Taiwan Excellence na maipakilala sa mundo ang natatanging gawa at modernong kagamitan na kinilala ng Ministry of Economic Affairs (MOEA), Taiwan, R.O.C., mula pa noong 1992.

Iginiit ni Wang na sinisimbolo ng Taiwan Excellence ang mataas na kalidad ng mga produktong gawa sa Taiwan. ”Each product has been selected for a specific Taiwan Excellence Award based on their excellence in the following categories: design, quality, marketing, Taiwanese R&D, and manufacturing,” aniya.

Kabuuang 192 kabataan ang nakilahok sa camp na tinampukan ng 3-on-3 challenge sa pangangasiwa ni coach Altamirano kasama ang mga PBA players at Taiwan Excellence Ambassadors JC Intal ng Alaska at Doug Kramer of Phoenix Fuel Masters.

Ibinida rin ang Taiwan Excellence Experience Zone kung saan tampok ang top-of-the-line products ng Taiwan mul sa tech giant Asus, fitness company Johnson, at bike manufacturer Tern.

“I am really excited about the bikes from Tern. They make biking and going around the city a much more fun experience,” pahayag ni Intal.