BILANG paghahanda sa nalalapit na Asiam Games, sumabak si Samantha Kyle Catantan sa World Senior Fencing Championships kamakailan sa Wuxi, China.

Umabot sa top 64 ang 17-anyos na si Catantan sa Women’s Foil matapos siyang mabigo sa 2nd seed at gold medalist na pambato ng Italy na si Alice Volpi 6-15.

Ngunit, bago ito ay binigo naman ni Catantan si Barbara Ojeda ng Spain sa 15-13 panalo sa unang round ng Direct elimination habang dalawang panalo din ang naiatala niya sa Pool Elimination matapos nitong pataobin sina Eline Rentier ng Netherlands, 5-4 at Alicia Yi Jeon Kwag ng Australia sa 5-0 panalo.

Si Catantan ay nag-uwi ng silver medal buhat sa Southeast Asian Games noong nakaraang taon sa Kula Lumpur Malaysia.

Ikinasiya naman ni national coach Roland Canlas ang naging performance ng 17-anyos na si Catantan sa nasbing torneo, gayung handa na itong makipag sabayan sa mga pambato ng ibang bansa sa mga malalaking kompetisyon.

<b>'One of the brightest talent!' Ateneo de Davao, inalala naging karera ni Baterbonia</b>

Naniniwala din si Canlas, na maaring makasabay ng maayos ang mga Pinoy Fencers sa kampanya ng bansa para sa Asian Games ngayong Agosto 18 hanggang Setyembre 2 sa Palembang Indonesia.