CAMP MACABULOS, Tarlac City - Patay ang isang sekyu at malubhang nasugatan ang angkas nito matapos sumalpok ang sinasakyan nilang motorsiklo sa isang truck sa highway ng Barangay Maligaya, Tarlac City, kahapon ng umaga.
Kinilala ni PO1 James Ong, traffic investigator, ang namatay na si Benidict Estabillo, 23; habang ang sugatan ay si Joshua Aguna, 18, kapwa ng Bgy. Bawa, Gerona, Tarlac.
Nakasalpukan ng mga biktima ang truck (DXL 899) na minamaneho ni Rex Andre Macahiya, 30, ng Alaminos, Laguna.
Sa imbestigasyon, patawid ang truck sa highway sa naturang barangay nang makasalpukan ang motorsiklo ng mga biktima, bandang 6:30 ng umaga.
Probinsya
72-anyos, pinalo ng dumbbell sa ulo ng kaniyang misis na may mental disorder
Sa lakas ng pagkakasalpok, bumalandra sa highway ang mga biktima.
Leandro Alborote
