TAIPEI – Nabigo ang Philippines-Ateneo na makasampa sa podium nang maungusan ng Iran-B, 70-63, nitong Linggo sa 40th William Jones Cup sa Chinse-Taipei Center.
Naging dikitan at pukpukan ang duwelo mula simula hanggang sa final period, ngunit nakakuha ng krusyal na opensa ang Iranian sa huling tikada ng laro para magapi ang Pinoy.
Pinangunahan ni Vahid Dalirzahan, miyembro ng Iran national team sa Fiba World Cup qualifiers, ang ratsada ng Iran sa naiskor na game-high 26 puntos.
Nakasosyo ng Iran ang Canada na may 7-1 karta, habang bumagsak ang Pilipinas sa ikaapat na puwesto na may 5-3 karta.
Mikee Cojuangco-Jaworski, chair ng Coordination Commission ng Brisbane 2032
Nanguna si Matt Nieto sa Blue Eagles sa nakubrang 14 puntos, tatlong assists at dalawang steals, habang kumana si Thirdy Ravena ng 12 puntos at tatlong assists. Kumubra si Angelo Kouame ng double-double – 11 puntos at 14 rebounds.
Iskor:
Iran (70) - Dalirzahan 26, Mozafarivanani 16,Yousof Vand 9, Mohammad 8, Azari 4, Khandanpour 4, Pazrofteh 3, Sheikhi 0, Bahramzad 0, Monji 0.
Ateneo (63) - Nieto Ma. 14, Ravena 12, Kouame 11, Mamuyac 9, Go 9, Nieto Mi. 6, Navarro 2, Asistio 0, Black 0, Maagdenberg 0, Andrade 0.
Quarterscores: 15-14, 31-39, 54-50, 70-63.
