TAHANAN na para kay Lani Misalucha ang Hawaii at Amerika, kung saan siya regular na nagtatanghal mula Lunes hanggang Biyernes.
Early 2000 nang mag-migrate sa Amerika ang kanyang pamilya.
Kaya naman kapag nagbabakasyon siya rito sa Pilipinas ay nakakapahinga ang boses niya, kahit paano.
Chloe San Jose, mas pinipiling maging 'authentic' na tao kaysa people-pleaser
“Sa totoo lang, hindi na ako bumabata at hindi ito maganda sa aking boses kung hindi ko iingatan. Napaka-humid pa naman ng panahon sa Las Vegas and I have to slow down,” pag-amin ni Lani.
Good news para kay Lani ang maging isa sa mga hurado ng The Clash, a week-end singing competition ng GMA7.
“I welcome the change at ang pagkakataong muling makatrabaho sina Regine (Velasquez), Ai Ai delas Alas, at Christian Bautista. I know it will be fun at ang pinakamahalaga ay maipapahinga ko ang aking boses.”
Nagpapasalamat si Lani, na kahit malapit na siyang maging Golden Girl (mag-50 years old) ay may mga offers pa siyang tinatanggap mula sa Europe at Asia.
“Happy ako at gusto pa rin nilang marinig akong kumanta, pero gaya ng nasabi ko I have to slow down. ‘Di tulad noong basta tanggap na lang ako nang tanggap.”
-REMY UMEREZ
