Inirekomenda ng House Committee on Good Government and Public Accountability na sampahan ng kaso si Ilocos Norte Gov. Imee Marcos, at iba pang opisyal ng lalawigan dahil umano sa maanomalyang pagbili ng 110 units ng Foton minicabs na nagkakahalaga ng P64.450 milyon.
Kason kriminal at administratibo ang inirekomenda ng komite ni Rep. Johnny Pimentel na nagsagawa ng imbestigasyon hinggil sa umano’y “misuse of Ilocos Norte’s share of tobacco excise taxes.”
Ang naghain ng resolusyon tungkol sa imbestigasyon ay sina Majority Leader Rodolfo Fariñas, Reps. Juan Pablo Bondoc, at Aurelio Gonzales, Jr.
Bagamat hindi tinukoy ng komite ang mga pangalan ng opisyal na nais nilang kasuhan, nakasaad sa ulat nito na si Marcos ang nag-request sa pagbili ng mga sasakyan.
ALAMIN: Saan puwedeng humingi ng tulong ang OFWs sa Iran, Israel?
Inilahad din sa committee report na irregular ang pagbili ng mga sasakyan dahil idinaan ito sa cash advances at hindi nagkaroon ng public biddings.
“With all premises considered, the committee has determined that the purchase of the subject vehicles by the PGIN (Provincial Government of Ilocos Norte) was highly irregular and illegal,” saad ng komite.
-Bert de Guzman
