MAGPA-PILOT na sa July 16 ang morning drama series ng GMA-7 na Kapag Nahati Ang Puso, kapalit ng My Guitar Princess.
Tampok sa Kapag Nahati Ang Puso ang love triangle nina Sunshine Cruz, Benjamin Alves at Bea Binene. Mag-ina sina Bea at Sunshine, at magiging magkaribal sila kay Benjamin.
Siguradong magpo-promote si Bea at ang ibang cast member ng morning series sa Sunday PinaSaya, kung saan isa sa hosts si Alden Richards. Tiyak na aabangan ng fans na pilit nagli-link kina Alden at Bea ang magiging interaction nila sa kanilang pagkikita.
'DJ,' nabanggit ni Kathryn Bernardo sa Family Feud
Pustahan tayo, lahat ng kilos at sasabihin ni Alden at isasagot ni Bea ay bibigyan ng malisya ng mga naniniwalang may lihim na relasyon ang dalawa. Ang kasunod noon, siyempre pa, ay ang pamba-bash kina Alden at Bea.
Makakalibre lang sa bashing sina Alden at Bea kung wala si Alden kapag nag-guest ang cast ng Kapag Nahati Ang Puso sa Sunday PinaSaya. Baka kasi sa scheduled guesting nina Bea ay wala si Alden at nagte-taping ng Victor Magtanggol sa ibang bansa.
Anyway, nagpalitan lang sa 11:30am timeslot ang magsyotang Benjamin at Julie Anne San Jose, na bida sa My Guitar Princess na magtatapos na sa July 13.
-Nitz Miralles
