Dead on the spot ang isang hinihinalang tulak ng ilegal na droga matapos umanong makipagbarilan sa awtoridad, na ikinasugat ng isang pulis, sa buy-bust operation sa Parañaque City, kahapon ng madaling araw.

Kinilala ang suspek sa alyas na Tatay Ponso, tinatayang nasa edad 55-60, nakasuot ng itim na T-shirt, shorts at dilaw na tsinelas.

Isinugod naman sa ospital si PO1 Dominic Enguio dahil sa tama ng bala sa kaliwang hita.

Nagkasa ng anti-illegal drug buy-bust operation ang mga tauhan ng Parañaque City Police at sinalakay ang Riverside 1, Barangay Tambo, dakong 2:20 ng madaling araw.

Binentahan umano ng suspek si PO1 Jevie Ferrer, na nagsilbing poseur-buyer, ng dalawang pakete ng umano’y shabu na nagkakahalaga ng P1,000. Gayunman, nakahalata umano ang suspek at pinaputukan ang mga pulis.

Bangkay ng dating UP student lider na sumapi sa NPA, ayaw ng kuhanin ng sariling pamilya

Napilitang gumanti si PO1 Enguio subalit tinamaan siya ng suspek.