Parangal sa sampung natatanging Rizalenyo

By Balita Online

June 24, 2018

In OPINYON Pahina Siyete

PINARANGALAN at binigyan ng pagkilala ang napiling sampung natatanging Rizalenyo sa idinaos na GAWAD RIZAL 2018 ng Rizalenyo Awards Committee nitong ika-19 ng Hunyo. Ang pagkakaloob ng award na ginanap sa SM Cherry Antipolo City ay pinangunahan ni Propesor Ver Esguerra, chairman ng Editorial Board ng Rizalenyo Sulo Award Group.

Ang pagkakaloob ng GAWAD RIZAL 2018 ay kaugnay at pakikiisa sa pagdiriwang ng kaarawan ng ating pambansang bayaning si Dr. Jose Rizal at ng ikapitong anibersaryo ng Rizalenyo Sulo Magazine.

Ang GAWAD RIZAL ay isang prestihiyosong parangal at pagkilala na ipinagkakaloob sa bawat Rizalenyo na nagtagumpay sa kanilang propesyon, nagpakita ng halimbawa sa hindi pangkaraniwang mga nagawa, namumukod na liderato, mahusay na sibikong mga pananagutan at matapat na pagkatao, nagbigay ng karangalan hindi lamang sa kanyang bayan at sa lalawigan ng Rizal kundi maging sa iniibig nating bansa.

Ang sampung natatanging Rizalenyo na pinarangalan at pinagkalooban ng GAWAD RIZAL 2018 ay sina Alex Asuncion, sa Golf Sports; Clarence M. Batan, sa Higher Education; Fidel Sta. Catalina, sa Agriculture; Marilou de Jesus, sa Cardiovascular Medicine; Teodulo C. del Rosario, sa Civic/Community Service; Aileen Q. Fernandez, sa Banking; Salvador T. Juban, sa mural painting; Mila I. Martinez, sa Architecture; Enrique S.Palacio, sa Education Curriculum; at Juan F.Torre, Jr., sa Nuclear Medicine.

Ang pagkakaloob ng GAWAD RIZAL 2018 ay ginanap sa SM Cherry sa Masinag, Antipolo City. Tampok na panauhing tagapagsalita si dating Rizal Vice Governor Frisco “Popouy” San Juan, Jr., na ngayon ay Deputy Chairman ng Metro Manila Deverlopment Authority (MMDA). Sa bahagi ng mensahe ni dating Rizal Vice Governor Popoy San Juan, Jr., sinabi niya na ang mga GAWAD RIZAL 2018 Awardee ay maihahalintulad sa mga bulaklak na ang halimuyak o tagumpay at mga nagawa ay magsisilbing inspirasyon sa mga taga-Rizal lalo na sa mga kabataan at maging sa iba nating mga kababayan.

Ang nagpahayag naman ng pasasalamat at kumatawan sa mga awardee ay si Clarence M. Batan, na sumang-ayon sa pahayag ni San Juan Jr. Ayon pa sa kanya, ang masasabi niyang tunay na “halimuyak” ay ang mga magulang ng mga itinuturing na natatanging mamayan, sapagkat sila ang nag-aruga, nagpalaki at nagpaaral upang maging matagumpay sa kanilang propesyon ang kanilang mga anak.

Sa bahagi naman ng mensahe ni Propesor Ver Esguerra, chairman ng The Rizalenyo Sulo Awards Group, ang GAWAD RIZAL ay bahagi ng pagdiriwang ng Araw ng Lalawigan ng Rizal, Araw ng Kalayaan at ng kaarawan ng ating pambansang bayaning si Dr. Jose Rizal.

Bukod sa mga magulang, pamilya at mga kaibigan ng mga awardee na dumalo sa GAWAD RIZAL 2018, ay dumalo rin sina dating Mayor-Congresman Lito Gatlabayan, Antipolo City Vice Mayor Pining Gatlabayan, Senate Secretary Lutgardo barbo, Vic Ramos, direktor ng Philippine National Red Cross (PNRC) Batangas; Rizal Vice Governor Dr. Rey San Juan, Jr. at dating Rizal Governor Rey San Juan. Dumalo rin at naging mga panauhin ang mga Rizalenyo na Gawad Rizal awardee.

-Clemen Bautista

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...