Pag-aarmas kay 'kap' hindi pa tiyak

June 18, 2018

Hindi pa pinal ang panukalang pag-aarmas sa mga kapitan ng barangay para malabanan ang krimen at ilegal na droga, nilinaw ng Malacañang kahapon.

Sinabi ni Presidential Spokesman Harry Roque na pinag-aaralan pa ni Pangulong Rodrigo Duterte ang panukalang bigyan ng baril ang mga kapitan ng barangay para maiwasan ang posibilidad na maarmasan ang mga tiwaling opisyal ng barangay.

“Hindi pa pinal. Pinag-aaralan pa ‘yan ng ating Presidente,” ani Roque sa press briefing sa Palasyo.

“Hindi pa nai-implement ni Presidente ‘yan at ikukunsidera ni Presidente syempre ‘yung kabilang aspeto naman, the other side of that equation and that is naku, kapag naarmasan ang narco list na mga barangay officials ay siyempre lalo sila magiging mas makapangyarihan,” dugtong niya.

Gayunman, sinabi ni Roque na nilinaw ng Department of Interior and Local Government (DILG) na mayroong legal na batayan ang posibilidad ng pag-aarmas sa mga barangay chairman.

Sinabi niya na pinahihintulutan ng Section 387 ng Local Government Code ang pagbibigay ng baril sa mga opisyal ng barangay alinsunod sa requirements ng pulisya.

Naniniwala si Roque na nasa “discretion” ng Philippine National Police (PNP) ang pagbibigay ng lisensiya sa baril at permit-to- carry sa mga aplikante.

“Hindi naman siguro lahat. Kung mayroong bad record ‘yan, hindi mabibigyan,” aniya.

-GENALYN D. KABILING

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...