NAKATUON ang pansin kina Michael Concio Jr. ng Dasmarinas City, Jasper Concepcion Faeldonia ng Espana, Manila at Gabriel John Umayan ng Davao City sa pagtulak ngayon ng 19th Association of Southeast Asian Nations (ASEAN) Age Group Chess Championship sa The Royal Mandaya Hotel sa Davao City.
Si Concio na produkto ng Dasmarinas Chess Academy na itinatag nina Dasmarinas Mayor Elpidio “Pidi” Barzaga Jr., Congresswoman Jenny Barzaga at national coach International Master Roel Abelgas ay ranked number 2 na may Elo rating 1976 sa Open 14 and under class.
Tangan ni CM Nguyen Huynh Minh Thien ng Vietnam ang top seeding na may Elo rating na 2004.
Habang sa panig ni Faeldonia na suportado ni Engr. Chris Fainsan, Electronics Communication Engineer at businessman na naka base sa New Zealand na tubong Odiongan, Romblon, tatangkain niyang maipagpatuloy ang kanyang pananalasa matapso ang paghahari sa Meralco Chess Club Youth Rapid Chess Tournament.
'Pikon daw?' UAAP fan na nag-dirty finger, agaw-eksena sa San Juan Arena!
Nasa ranked number 13 naman si Umayan na may Elo rating 1628.
Sa nakaraang edisyon sa Pahang, Malaysia, nakamit ng Pilipinas ang over-all title na matagal ng pinagharian ng Vietnam sa paglikom ng 83 gold, 37 silver at 29 bronze medal.
Isa sa pinaka importanteng pangyayaring magaganap ang board meeting ng National Chess Federation of the Philippines na pag-uusapan sa Davao City ang final-line up ng Philippine men’s at women’s team na sasabak sa 43rd Chess Olympiad sa Setyembre 23 hanggang Oktubre 7, 2018 na gaganapin sa Batumi, Georgia
