PINAGHARIAN ni Philippine Chess wizard Jasper Concepcion Faeldonia ang katatapos na 1st Meralco Chess Club Youth Rapid Chess Tournament matapos talunin si San Beda University bet Johann Cedrick Gaddi sa seventh at final round kamakailan sa Multi-Purpose hall, Meralco Compound, Ortigas Avenue sa Pasig City.
Nakapagtala si Faeldonia ng 6 wins at 1 loss tungo sa total 6 points, iskor din na naitala nina Ma.Elayza Villa, Antonella Berthe Racasa at Mark Joseph Barbosa.
Subalit ang 13-anyos na pambato ng Sampaloc, Manila ang naging over-all winner dahil sa mas mataas ang tie break points ayon kina tournament director FM Leonardo “Leo” Carlos at Chief Arbiter NA Alexander “Alex” Dinoy.
Naitala ni Faeldonia ang importanteng panalo kontra kina Kylle Czedrick Canque sa first round, Mar Aviel Carredo sa second round, Alexis Vien Sim sa third round, John Andrew Margarito sa fifth round, Cyrus James Damiray sa sixth round bago talunin si Gaddi sa final canto.
