FINA, walang paki sa 'di miyembro-Balita

BINALAAN ng International Swimming Federation (FINA) ang mga miyembrong asosasyon, kabilang na ang Philippine Swimming Inc. (PSI), na huwag lalahok sa mga kompetisyon na walang pahintulot ng federasyon.

Ito ang nakasaad sa memorandum na ipinadala ni FINA Executive Cornel Marculescu kamakailan sa mga miyembro nito na huwag makipag transaksyon sa mga grupo na hindi kinikilala ng pederasyon.

Bunsod umano ito ng nalalapit na kompetisyon na International Swimming League na wala umanong kapahintulutan buhat sa FINA.

“Recently, Fina has been aware of a so-called international competition International Swimming League which Fina does not recognize,” ayon sa pahayag ni Marculescu. “For the sake of clarification, the International Swimming League is neither recognized by nor affiliated to Fina. Further, Fina has neither sanctioned the competitions organized by this entity, nor approved their sanction by other Fina bodies,” aniya.

Sinabi pa FINA n a hindi nila kikilalanin ang anumang resulta o record buhat sa nasabing kompetisyon.

“Consequently, the competitions of the International Swimming League are not Fina sanctioned nor Fina approved. They are not part of the international calendar. The results and records achieved in these competitions are not and will not be recognized,” ayon pa kay Marculescu.

Kasalukuyang nasa pangangasiwa ni dating Philippine Representative to the International Olympic Committee (IOC) Frank Elizalde ang swimming sa bansa matapos ibasura ni Philippine Olympic Committee (POC) President Ricky Vargas ang eleksyon ni Lani Velaco.

Nauna rito, nagwaging lider ng Philippine Swimming Inc. si Olympian Ral Rosario na kinukwestyun naman ng grupo ni Velasco.

Kamakailan, nakipagkasundo si Rosario sa Philippine Swimming League (PSL), na pinamumunuan ng dati ring Olympian na si Susan Papa.

Nakatakdang sumabak ang mga swimmers ng dalawang grupo sa Southeast Asian Age Group Competition sa Hulyo.

Gayunman, si Velasco ang siyang kinikilala ng FINA na presidente ng PSI.

-Annie Abad

Alice Guo, ililipat sa Pasig City jail kaugnay ng kasong qualified trafficking

Ipinag-utos ng Pasig Regional Trial Court (RTC) na ilipat si dismissed Bamban, Tarlac mayor Alice Guo mula sa Camp Crame patungo sa Pasig City Jail Female Dormitory.Kinumpirma ito ni Philippine National Police (PNP) spokesperson Police Col. Jean Fajardo nitong Biyernes, Setyembre 20, sa isang press conference na inulat ng Manila Bulletin. Ayon kay Fajardo, nakatanggap sila ng utos mula sa Pasig...

LPA sa loob ng PAR, nabuo na bilang bagyong 'Igme'; Batanes, itinaas sa Signal No. 1

Isa nang ganap na bagyo ang binabantayang low pressure area (LPA) sa loob ng Philippine area of responsibility (PAR) at pinangalanan itong “Igme”, ayon sa Philippine Atmospheric, Geophysical and Astronomical Services Administration (PAGASA) nitong Biyernes, Setyembre 20.Ayon sa PAGASA, nabuo bilang Tropical Depression Igme ang LPA dakong 2:00 ng hapon. Ito ang ikasiyam na bagyo ngayong...

Mayor Lacuna: Payout sa 203K seniors, malapit nang matapos

Inaasahang matatapos na ng Manila City Government ang payout ng monthly allowance ng may 203,000 senior citizens ng lungsod.Ayon kay Manila Mayor Honey Lacuna, sinimulan ang payout noong Setyembre 8, at magtatagal hanggang Setyembre 21.Nabatid na bawat senior citizen ay dapat na nakatanggap ng tig-P2,000 cash aid mula sa city government.Sinabi ni Office of Senior Citizens' Affairs (OSCA)...