CEU at Marinero, asam ang pedestal-Balita

CEU at Marinero, asam ang pedestal

Mga Laro Ngayon

(Ynares Sports Arena)

1:00 n.h. -- Chelu Bar and Grill vs Marinerong Pilipino

3:00 m.h. -- Batangas vs CEU

PUNTIRYA ng Centro Escolar University at ng Marinerong Pilipino ang ikalawang sunod na panalo upang makasalo ng Go for Gold sa liderato sa pagsalang sa magkahiwalay na laban ngayong hapon sa 2018 PBA D League Foundation Cup.

Unang sasabak ang Skippers ganap na 1:00 ng hapon kontra Chelu Bar and Grill Revellers kasunod ang Scorpions kontra naman sa Batangas ganap na 3:00 ng hapon sa Ynares Sports Arena sa Pasig.

Tinalo ng Scorpions sa una nilang laban ang Revellers noong nakaraang Huwebes, 94-78, sa ilalim ng pansamantalang coach at kanilang general manager na si Derrick Pumaren.

Nilinaw ng dating University of the East coach na pansamantala lamang ang kanyang pag-upo bilang tactician ng Scorpions.

“Boss JJ Yap asked if I could be the coach and the general manager. Hindi naman ako makatanggi because it’s for the school,” pahayag ng veteran mentor.

Ang biglaang pagbibitiw ng dating coaches ng CEU na sina Yong Garcia at Egay Macaraya ang dahilan ng biglaang pagbabalik sa coaching ni Pumaren.

“Hopefully, we find a new coach so we’ll be able to run the team. Right now, we are keeping our cards close to our chest. But we are talking to some guys.”

“We are in a rebuilding process. I’ve only been running the team for two days because of the unexpected resignation of coach Yong, but it’s good that the players were able to adjust quickly,” aniya.

Sa kabilang dako, magsisikap namang bumawi ng Batangas sa natamong kabiguan sa kamay ng Scratchers sa opening noong Lunes.

Binubuo naman ng core ng koponan ng Technological Institute of the Philippines, tatangkain ng Skippers na masundan ang naitalang unang tagumpay kontra AMA Online Education sa pagsagupa nila sa Revellers na magkukumahog namang bumangon sa pagkabigong natamo sa kamay ng Scorpions.

-Marivic Awitan

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...