GINAGAWA pa ni Piolo Pascual ang pelikulang Marawi, na co-produced din niya under Spring Films. At bilang respeto sa mga naging biktima ng limang-buwang giyera sa Marawi ay nakikiisa ang aktor sa fasting din ng mga Muslim nating kapatid, para sa Ramadhan.

Paliwanag ni Piolo sa presscon ng endorsement niyang My Daily Collagen, kailangan daw nilang mag-ayuno dahil iyon ang tradisyon ng mga Muslim sa siyudad, kung saan ang shooting ng kanilang pelikula.

“Kasi ‘yung ginagawa nating pelikula, it’s gonna be in the South Marawi. It’s (fasting) their tradition, so, para lang magbigay tayo ng respect, o para maramdaman na rin natin ‘yung ginagawa nila,”paliwanag ni Piolo. “And really, this is the first time we’re doing it.”Ayon pa kay Papa P., napag-aralan din daw niya ang matitinding sakripisyo sa Ramadhan, na maraming bawal ikonsumo ang katawan, at ang kaunting pagkakamali o pagsuway sa patakaran ay magpapawalang silbi sa ginagawang fasting.

Tsika at Intriga

Lady driver na umararo sa resto ni Matteo, gas natapakan sa halip na brakes

“I am taping everyday and it’s hard. Hindi ka puwedeng lumunok, mag-spit o mag-rehydrate. So, I don’t have any workout during the day and nagigising ako sa gabi. Sometimes I do workout at nights,” kuwento ni Piolo.

“Madaling araw na ako nagigising. So, mahirap, especially when you are taping exteriors,” banggit pa ni Piolo, na sa pagkaalam namin ay isang Born Again Christian.

Binanggit din ni Piolo na nasa ikalawang linggo na siya ng kanyang fasting.

“Mga two or more weeks pa since May 15, just to pay respect, kasi para alam din natin ‘yung pinagdadaanan nila, kung ano ‘yung tradition nila. But it’s not something that I was asked to do.

“Kami ni (Direk) Joyce Bernal, sinamahan lang namin ‘yung mga Muslim para alam lang namin ‘yung takbo ng isip nila, why they do it and what they do it for,”seryosong banggit pa ng mahusay na aktor.

“Kasama ko rin dito (fasting) si Kuya Robin Padilla. Maganda kasi mas focus ako, mas naa-appreciate ko ‘yung kinakain ko at night, and it’s a nice feeling actually,” aniya pa.

Giit ni Piolo, hindi raw dahil sa relihiyon kung bakit siya nagpa-fasting. At kahit iba ang relihiyon niya ay wala raw naman siyang nakitang problema.

“It is important to know our faith, and where we stand. And we believe in one God. Ganon naman sa Islam, they believe in one God, so ‘yun lang ‘yun. Respect lang kumbaga,”paliwanag pa ni Piolo.

Kasabay nito, inamin din ni Piolo na hindi siya mahilig sa luxury stuff. Hindi nga naman siya kagaya ng ibang kasamahan sa showbiz na nangongolekta ng mga mamahaling sasakyan.

“I’m very practical, I don’t spend on the things I don’t need. I just use one car. The rest of my cars, naka-park na lang. So, I guess when you are getting old you become wise, you become practical,” ani Piolo.

“You will just do the things that you know will make you the better person, and stay away from the things that will make you feel old. I don’t go out anymore. Ganoon pala ‘pag tumatanda ka, no?” balik-tanong pa ni Piolo.