Anim na katao, kabilang ang isang babae, ang inaresto ng mga pulis nang maaktuhan umanong humihithit ng droga sa anti-illegal drugs operation sa Taguig City, nitong Huwebes ng gabi.
Kinilala ang mga suspek na sina Carnain Andoy, 44; Jalil Ibrahim, 23; Mel Bagal, 54; Sam Provido, 41; Farida Abdul, 39; at Heger Laxila, 35, technician, ng Barangay Maharlika, Taguig City.
Sa ulat ng Taguig City Police, naglatag ng anti-illegal drugs operation ang mga tauhan ng Station Drugs Enforcement Unit (SDEU) sa Targan Street, Quiapo Dos, sa Bgy. Maharlika, dakong 11:15 ng gabi.
Nabulaga at wala nang nagawa ang mga suspek nang posasan sila ng mga pulis.
UP, top university pa rin sa Pinas; Iba pang paaralan sa bansa, pasok sa Asian ranking!
Nasamsam sa mga suspek ang tatlong pakete ng hinihinalang shabu, na tumitimbang ng anim na gramo; at iba pang drug paraphernalia.
Sasampahan ang mga suspek ng paglabag sa Comprehensive Dangerous Drugs Act of 2002 (RA 9165).
-Bella G. Gamotea
