CAMP GEN.PANTALEON GARCIA, IMUS, Cavite – Arestado ang isang lalaki matapos masamsaman umano ng isang kilo ng umano’y shabu, na nagkakahalaga ng P6.5 milyon, sa buy-bust operation sa Area I, Dasmariñas City sa probinsiyang ito kamakalawa.
Inaresto ang suspek sa surveillance ng mga operatiba ng Philippine Drug Enforcement Agency (PDEA), Police Regional Office (PRO) 4-A, Cavite Police Provincial Office (PPO), at Dasmariñas police.
Kinumpirma ng PPO ang pagkakaaresto sa suspek at ang pagkakasamsam sa 1,000 gramo ng hinihinalang shabu na nagkakahalaga ng P6,500,000, ganap na 4:00 ng hapon nitong Lunes.
Kinilala ng PPO ang suspek ngunit hindi pa ito isinisiwalat sa ngayon.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Idiniretso ang suspek at ang nakumpiskang umano’y shabu sa PDEA-Region 4-A Office sa Laguna, ayon sa PPO.
-Anthony Giron
