NORTH CAROLINA – Matikas ang simula ni Pinay champion golfer Dottie Ardina sa naiskor na three-under 69 para sa dalawang puntos na bentahe sa opening round ng Symetra Classic nitong Huwebes (Biyernes sa Manila) dito.
Kumana si Ardina, SEA Games multi-medalist, ng apat na birdies habang may isang bogey sa River Run Country Club para makaungos kina Stacy Bregman ng South Africa, Korea’s Min-G Kim at Regina Plasencia ng Spain.
Hataw naman si Clariss Guce ng 75 para makisosyo sa ika-49, habangh matamlay ang simula nang isa pang Pinay na si Mia Piccio na umiskor ng 80.
