PH-Kuwait balik normal ang relasyon-Balita

PH-Kuwait balik normal ang relasyon

Balik na sa normal ang relasyon ng Pilipinas at Kuwait matapos ang paglalagda sa Memorandum of Agreement para protektahan ang mga karapatan at kapakanan ng overseas Filipino workers (OFWs).

Ipinahayag nina Presidential Spokesman Harry Roque at Department of Labor and Employment (DoLE) Secretary Silvestre Bello III na pirmado na ang kasunduan sa pagitan ng Kuwait at Pilipinas, sa kanilang pagdating sa NAIA Terminal 1 sa Pasay City, nitong Sabado ng gabi.

Kasama rin sa delegasyon sina dating DoLE Sec. Marianito Roque, Labor Attaché Rustico dela Fuente, at Deputy Chief of Mission in Kuwait Mohd Noordin Lomondot.

“Normal na po ang samahan ng Philippines at Kuwait. Ang hinihintay lang po talaga ng parehong panig ay iyung paglagda ng memorandum of agreement,” ani Roque.

“Iyung paglagda pong iyan, ‘yan ay senyales na we have both agreed to move on with our relationship at we have both learned from the experience. The experience will make our friendship and ties with Kuwait even stronger,” dugtong niya.

Nakatakdang irekomenda ni Bello kay Pangulong Rodrigo Duterte ang partial lifting ng deployment ban para sa mga skilled at professional workers, ngunit mananatili ang ban sa pagpapadala ng household service worker (HSW) sa Kuwait dahil may mga dapat pang pag-aralan ukol dito.

Sa datos ng DOLE, mayroong 262,000 dokumentadong Pilipino sa Kuwait, 60 porsiyento sa nasabing bilang ay HSW.

Kasama ring dumating ng mga opisyal nitong Sabado ang 87 distressed OFWs.

Sa ulat ng Department of Foreign Affairs (DFA), lumapag ang sinakyang Philippine Airlines (PAL) flight 669 ng nasabing batch ng OFWs sa Ninoy Aquino International Airport (NAIA) Terminal 1,dakong 10:40 ng gabi. Sinalubong sila ng mga opisyal at kinatawan ng DFA at Overseas Workers Welfare Administration (OWWA).

Tumanggap ng tig-P5,000 cash assistance ang bawat OFW mula sa DFA at P5,000 naman mula sa DOLE. Bukod pa rito ang alok ng OWWA na P20,000 cash assistance na magagamit nila sa pagsisimula ng maliit na negosyo. - Bella Gamotea

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...