Ni Nitz Miralles
NAROROON sa Berlin, Germany si Lovi Poe ngayon para sa Omega event. Kung hindi kami nagkakamali, second year na niyang naiimbita sa event ng Omega na laging sa ibang bansa ginagawa.
Nakita ni Lovi sa Berlin si KC Concepcion na invited din sa event.
ALAMIN: Viral OOTD ni Carlos Yulo, magkano nga ba?
Sa photo nila na ipinost ni Lovi, ang sabi niya, “I remember copying one of her famous haircuts when I was in 6th grade... I was obviously a fan... and now even a bigger one because of her genuine heart.”
Sumagot si KC kay Lovi ng, “This is so sweet. Remember... you inspire me too! ILY!”
M a r a m i a n g natuwa sa palitan ng comments nina Lovi at KC and hopefully, pagbalik nila ng Manila from Berlin, hindi maputol ang nabuo nilang friendship.
Anyway, mabuti at hindi naloloka ang production ng The One That Got Away na layasan nang layasan ang cast ng series. Kagagaling lang ni Rhian Ramos sa Japan, si Lovi naman ang lumipad papuntang Berlin para sa Omega event.
Si Dennis Trillo, lumipad din patungong Dubai para sa show sila last Thursday nina Migo Adecer, Tetay at Solenn Heussaff. Malapit na ang ending ng TOTGA, siguro naman sa last taping days, makukumpleto ang cast, walang mag-a-abroad.
Maganda pa naman ang takbo ng istorya, lalo na ang friendship nina Alex (Lovi), Darcy (Max Collins) at Zoe (Rhian Ramos). Ang inakala ng viewers na FO (frienship over) ay magkakaroon ng twist. Tutok lang sa mga natitirang episodes.
