Ni Light A. Nolasco
DIPACULAO, Aurora - Isang 53-anyos na lalaking dumayo lang para magbakasyon ang natagpuang palutang-lutang sa baybayin ng Dinadiawan Beach sa Dipaculao, Aurora, nitong Linggo.
Kinilala ng Dipaculao Police ang nasawi na si Larry Borabo, taga-Caloocan City.
Batay sa pagsisiyasat, nabatid na dakong 8:30 ng umaga nang mag-isang naligo sa dagat si Borabo, na napag-alamang may sakit sa puso.
May hinala ang pulisya na sinumpong ng atake sa puso ang biktima habang naliligo.
Probinsya
