Mula sa AFP, Reuters
Matapos ang mahigit 65 taong digmaan sa pagitan ng North at South Korea, nagkasundo kahapon sina North Korean Leader Kim Jong Un at South Korean President Moon Jae-in na isulong ang pagwawakas ng Korean war.
Itinuring na makasaysayan ang pagbisita ni Kim sa South Korea bilang unang pinuno ng North na nagtungo sa Demilitarized Zone.
Nagkasundo sina Kim at Moon na isulong ang kasunduan ng permanenteng kapayapaan at ng denuclearisation.
50.78% examinees, pasado sa Nov. 2024 Licensure Exam for Agriculturists
Nagyakapan pa ang dalawa matapos lagdaan ang Panmunjom Declaration, na hudyat ng makasaysayang pagsisimula ng kapayapaan sa bahagi ng Korean peninsula.
Naglabas din ng pahayag ang dalawang pinuno, na nagkukumpirma ng “common goal of realising, through complete denuclearisation, a nuclear-free Korean peninsula”.
Kasabay ng pangakong pagbisita ni Moon sa Pyongyang sa “fall”, nangako rin ang dalawang pinuno na magkakaroon ng “regular meetings and direct telephone conversations.”
