Ni Bella Gamotea
Magpapatupad ngayong araw ng oil price hike ang mga kumpanya ng langis sa bansa, sa pangunguna ng Flying V.
Sa pahayag ng Flying V, epektibo ngayong 6:00 ng umaga ay 80 sentimos ang madadagdag sa kada litro ng kerosene, 55 sentimos sa diesel, at 35 sentimos naman sa gasolina.
Inaasahan namang magpapatupad din ng kahalintulad na dagdag-presyo ang iba pang kumpanya ng langis.
VP Sara, tahasang iginiit na hindi niya binoto si Romuadlez
Ang bagong price adjustment ay bunsod ng paggalaw ng presyuhan ng langis.
Abril 3 nang huling nagtaas-presyo ang petrolyo: P1 sa kada litro ng diesel at kerosene, at 90 sentimos sa gasolina, bagamat nagpatupad ng kakarampot na rollback nitong Abril 10.
