Ni Fer Taboy
Natabunan nang buhay ang tatlong katao, kabilang ang dalawang welder, nang gumuho ang lupang pinagtatayuan nila ng steel poultry farm sa Sitio Candi-is, Barangay Sibago, Pinamungajan, Cebu.
Sa sketchy report ng Cebu Police Provincial Office (CPPO), patay na nang mahukay sina Renerio Cabilin, Jr., 44; Dennis Arti, 30; kapwa welder; at Feliciano Media, 56, kontratista.
Sinabi ni PO1 Ryan Mangilimotan, ng Pinamungajan Municipal Police, na hinuhukay ng dalawang welder ang lupang pagtatayuan ng pundasyon ng ginagawa nilang steel poultry farm nang bigla itong gumuho.
Tinangkang iligtas ni Media ang dalawang tauhan ngunit dahil sa lalim ng hukay ay nahulog din siya.
19-anyos, timbog sa pang-aabuso sa iba pang menor de edad gamit ang Roblox
Kaagad namang nagsagawa ng rescue operation ang mga tauhan ng pamahalaang lokal ng Pinamungajan, ngunit hindi na nailigtas nang buhay ang tatlo.
