Hinimok ni Las Piñas City Mayor Imelda Aguilar kahapon ang mga rehistradong senior citizen sa lungsod, na samantalahin ang karagdagang mga benepisyong nakalaan para sa kanila.
LIBRENG SINE SA SENIORS Nilalagdaan ni Las Piñas City Mayor Imelda ‘Mel’ Aguilar ang Memorandum of Agreement (MOA) sa SM Southmall para magkaloob ng libreng sine sa mga senior citizen ng lungsod simula nitong Abril 2. Lumagda rin ang kinatawan ng SM Southmall na si Mr. Gregorio Lanao Jr. (nakaupo, kaliwa), regional operations manager ng SM. Sumaksi sina Councilors Renan Riguera, Henry Medina, Felimon Aguilar III, Carlo Aguilar, Rubymar Ramos, Florante Dela Cruz, Ignacio Sangga, Bonifacio Riguera, Alfredo Miranda, at Ben Quilatan at mga department head ng pamahalaang lungsod.
Inihayag ni Aguilar na aabot sa 80,000 ang rehistradong senior citizen sa lungsod at mahigit 5,000 sa mga ito na itinuturing na mahihirap, ang nakatatanggap ng P500 buwanang allowance mula sa pamahalaang lunsod.
Ginarantiyahan din ang mga rehistradong senior citizen ng suportang pinansiyal sa pagpapaospital sa pamamagitan ng ‘Green Card’ program, na nagkakahalaga ng P40,000 kada indibiduwal, taun-taon.
National
DOH, nakapagtala ng 17 firework-related injuries sa loob lamang ng 24 oras
Tuwing Lunes at Martes, may libreng sine rin ang matatanda sa SM Southmall, Robinsons Las Piñas, at Vista Malls.
Pinaigting ng Office of the Senior Citizens Affairs (OSCA) sa lungsod ang pagkakaloob ng medicine booklet at agriculture booklet para makadiskuwento sa gamot, bigas, karne, isda, gulay, at prutas.
