Ni Marivic Awitan
WALANG dapat na ipag-alala ang mga fans ng Magnolia Hotshots dahil maglalaro sa Game 4 ang kanilang ace guard na si Paul Lee.
Ito ang tiniyak ng tinaguriang “Angas ng Tondo” matapos ang natamong hand injury noong nakaraang Linggo sa Game 3 ng 2018 Philippine Cup Finals..
'Pikon daw?' UAAP fan na nag-dirty finger, agaw-eksena sa San Juan Arena!
Na-injured angbisang daliri sa kanang kamay ni Lee may 9:01 pang oras na nalalabi noong Game 3 ng laban nila ng San Miguel Beermen, matapos ang isang jump ball situation.
“Na-jam siya. Pagsundot ko tumama sa tuhod ni Matt [Ganuelas-Rosser],”ayon kay Lee.. “Pero ready ako, ready ako. Wala naman ito, di naman gaanong malala.”
“Yun nga lang kailangang tiisin, pain reliever lang siguro, kaya na, “ dagdag nito.
Mula doon ay hindi na nakabalik sa laro si Lee na nagtapos na may 15 puntos at 7 assists.
Tuluyan namang natalo ang Hotshots, sa Beermen, 87-111 para sa 2-1 kalamangan sa series.
“Expected naman namin yun, talagang malakas talaga ang San Miguel,” ani Lee.
Gayunman, tiniyak niyang gagawin nila ang lahat upang makabawi at tatratuhin ang Game 4 na isang do-or-die game.
“Mahirap mabaon sa 3-1 so big game sa amin sa next game.”
