OAKLAND, California (AP) — Nagbalik si Stephen Curry mula sa anim na larong pahinga mula sa na injured na paa.

Ngunit, agad ding nagbalik sa dugout dahil sa bagong natamong pinsala sa kaliwang tuhod.

Nagsalansan si Curry ng 29 puntos bago naganap ang insidente kung saan nadaganan nang nawalan ng panimbang na si JaVale McGee ang kaliwang tuhod ng two-time MVP, ngunit naisalba ng Warriors ang 106-94 panalo kontra Atlanta Hawks nitong Biyernes (Sabado sa Manila).

Sa inisyal na pagsusuri, nagtamo si Curry ng sprained sa kanyang medial collateral ligament. Nakatakda siyang sumailalim sa MRI sa Sabado (Linggo sa Manila).

Pamilya, naglabas ng opisyal na pahayag sa pagpanaw ni Chino Trinidad

“Kind of a strange, cruel twist of fate,” pahayag ni Warriors coach Steve Kerr. “He rehabs his ankle for the last couple weeks, he gets that strong and then the knee goes. So we’ll see what happens and we’ll keep our fingers crossed.”

Nalukot ang mukha ni Curry sa sakit habang paika-ikang nagbalik sa bench may 3:09 sa third period. Hindi na siya nakabalik sa laro.

“I was just trying to block a shot and I ran into him,” sambit ni McGee.

Kumasa si Nick Young sa seasoned high 24 puntos, tampok ang anim na three-pointer para sandigan ang defending champions, naglalaro na wala ang mga injured ding superstar na sina Kevin Durant, Draymond Green at Klay Thompson.

“Getting close to postseason, you don’t want to see nothing like that,” pahayag ni Young.

Kasama ni Curry sina Young, Patrick McCaw, Jordan Bell at Zaza Pachulia sa starting line-up. Tumipa si Pachulia ng siyam na rebounds, habang tumipa si Bell ng 12 puntos.

CELTICS 105, BLAZERS 100

Sa Portland, Oregon, kumubra si Marcus Morris ng 30 puntos para sandigan ang kulang sa players na Boston Celtics kontra Trail Blazers. Ito ang ikalawang sunod na kabiguan ng Portland matapos ang 13-game winning streak.

Nag-ambag si Terry Rozier ng 16 puntos sa Celtics, kasalukuyang No. 2 sa Eastern Conference sa likod ng Toronto, ngunit patuloy ang pakikibaka sa pagkawala sa injury nina All-Star Kyrie Irving at Jaylen Brown.

Kumubra sina Damian Lillard at CJ McCollum ng tig-26 puntos para sa Blazers, kasalukuyang nasa No.3 sa West sa likod ng Rockets at Warriors.

Umabante ang Blazers sa 12 puntos sa third quarter, ngunit nakadikit ang Boston sa 83-80 mula sa sa jumper ni Shane Larkin. Naagaw ng Boston ang bentahe sa 85-84 mula sa three-pointer ni Morris may 6:30 ang nalalabi.

Binalikat ni McCollum ang Blazers para muling mabawi ang bentahe sa Portland, subalit matikas si Horford sa three-pointer bago nakipagsabayan sina Jayson Tatum at Morris para sa 106-103 bentahe.

Galing ang Portland sa 115-111 kabiguan sa Rockets, na pumutol sa kanilang 13-game winning streak.

Bukod kay Irving, injury din sa Boston sina Jaylen Brown (concussion protocol), Marcus Smart (thumb surgery), Daniel Theis (knee surgery, out for season) at Gordon Hayward (ankle surgery rehab).

SPURS 124, JAZZ 120

Sa Antonio, nanaig ang karanasan ng Spurs, sa pangunguna ni LaMarcus Aldridge na may career-high 45 puntos, para mapataob ang matikas na Utah Jazz.

Naitala ng Spurs ang ikaanim na sunod na panalo at unang panalo sa Jazz ngayong season.

Nalimitahan ang pambato ng Utah na si Donovan Mitchell sa 14 puntos.

Kasalukuyang nasa NO.6 ang San Antonio sa Western Conference. Kumubra si Derrick Favors ng 12 pyntos added 22 points sa Utah at Ricky Rubio na may 20 puntos.

THUNDER 105, HEAT 99

Sa Oklahoma City, Ratsada si Russell Westbrook sa naiskor na 29 puntos, kabilang ang 17 sa final period at 13 rebounds at walong assists.